Twischen Hilmessen un Ganderssen De Pöivugel röppt von Werner Sührig

De Pöivugel röppt

Wildkroineken kumet iut Middag terügge,

Töitloiseken blaumet in Gaarn.

Pogge un Rapphaun, Bottervugel un Mügge,

sind alle ter Hochtöit elaen.

De Pöivugel röppt söin “Kiwitt” über ‘t Land.

De Gante sitt upp de Geos.

En Sunnenkalw flüggt meck upp möine Hand.

Ett Froihjahr kümmt! Dat is fameos!

Niun werd efröiet twüschen Risch un Rieke,

in Holte, an Oiwer, upp ‘n Beom, in `r Bieke.

Man jümmertau! Dat Liewen is sau!